حرمین شریفین کا تقدس ہر مسلمان کے ایمان کا حصہ ہے، شاہ محمود

حرمین شریفین کا تقدس ہر مسلمان کے ایمان کا حصہ ہے، شاہ محمود
حرمین شریفین کا تقدس ہر مسلمان کے ایمان کا حصہ ہے، شاہ محمود

وزیر خارجہ شاہ محمود قریشی نے کہا ہے کہ پاکستان اور سعودی عرب کے تعلقات گہرے اور تاریخی نوعیت کے ہیں، حرمین شریفین کا تقدس ہر مسلمان کے ایمان کا حصہ ہے۔

وزیر خارجہ شاہ محمود قریشی سے سعودی سفیر نواف بن سعید المالکی نے ملاقات کی، ملاقات میں دو طرفہ تعلقات اور تعاون کے فروغ اور باہمی دلچسپی کے مختلف امور پر تبادلہ خیال کیا گیا۔

شاہ محمود قریشی نے کہا کہ علاقائی سالمیت کے تحفظ کے لیے پاکستان، سعودی عرب کے شانہ بشانہ کھڑا دکھائی دے گا، حوثی باغیوں کی سعودی آبادیوں اور عسکری تنصیبات کونشانہ بنانیکی کوششوں کی مذمت کرتے ہیں۔

انہوں نے کہا کہ سعودی وزیر توانائی اور وزیرخارجہ کے متوقع دورۂ پاکستان اور ان سے ملاقات کے متمنّی ہیں۔

تبصرے