شوٹنگ کے دوران اکشے کمار ہاتھی کے فضلے سے بنی چائے پی بیٹھے

شوٹنگ کے دوران اکشے کمار ہاتھی کے فضلے سے بنی چائے پی بیٹھے
شوٹنگ کے دوران اکشے کمار ہاتھی کے فضلے سے بنی چائے پی بیٹھے

اکشے کمار نے اپنے انسٹاگرام اکاؤنٹ پر آنے والی ایڈونچر فلم کا ٹیزر شیئر کیا، جس میں بتایا گیا کہ ’بیئر گریلز: ان ٹو دی وائلڈ‘ کو 11 ستمبر ڈسکوری اور 14 ستمبر کو ڈسکوری پلس پر نشر کیا جائے گا۔

مذکورہ ایڈونچر ڈاکیومینٹری فلم میں اکشے کمار برطانوی اداکار بیئر گریلز کے ساتھ جنگل میں خطرات کا مقابلہ کرتے اور خوفناک جنگل کی سیر کرتے دکھائی دیں گے۔

اسی فلم کا ٹیزر شیئر کرتے ہوئے اکشے کمار نے لکھا کہ وہ ’بیئر گریلز: ان ٹو دی وائلڈ‘ کی شوٹنگ کو کبھی نہیں بھول پائیں گے اور خصوصی طور پر وہ اس دن کو نہیں بھول پائیں گے جب انہیں ہاتھی کے فضلے سے تیار کردہ چائے پلائی گئی۔

اداکار کی جانب سے شیئر کیے گئے ٹیزر کے آخر میں برطانوی اداکار بیئر گریلز کو اکشے کمار کو چائے دیتے ہوئے دیکھا جا سکتا ہے، تاہم ٹیزر میں برطانوی اداکار اکشے کمار کو یہ نہیں کہتے سنائی دیتے کہ وہ چائے ہاتھی کے فضلے سے تیار کی گئی ہے۔

لیکن اکشے کمار نے اپنی پوسٹ میں اعتراف کیا کہ انہیں شوٹنگ کے دوران ہاتھی کے فضلے سے تیار چائے پینا پڑی۔

تبصرے