اینٹی کرپشن سرگودھا ریجن کی سالانہ کارکردگی کی رپورٹ جاری

Anti Coruuption sargodha
اینٹی کرپشن سرگودھا ریجن کی سالانہ کارکردگی کی رپورٹ جاری

ڈائریکٹر اینٹی کرپشن سرگودھامحمد خالد مسعود فروکہ نے اینٹی کرپشن سرگودھا ریجن کی سال2020کی سالانہ رپورٹ جاری کر دی ہے ۔رپورٹ میں بتایا گیا ہے کہسرگودھاریجن نے سال2020میں 4581کنال سے زائد سرکاری اراضی قبضہ مافیا سے واگزار کروا کر سرکارکی تحویل میں دلوائی ہیں۔

رپورٹ کے مطابق اینٹی کرپشن سرگودھا ریجن نے ڈویژن بھر میں واگزار کرائی گئی زمین کی مالیت3913.8ملین ہے۔اینٹی کرپشن سرگودھا ریجن نے ڈویژن بھر میں محکمہ اوقاف کی1677کنال سے زائد سرکاری اراضی قبضہ مافیا سے واگزار کرائی ہیں۔سرگودھا ریجن سے محکمہ اوقاف کی واگزار کرائی گئی زمین کی مالیت181.82ملین روپے ہے۔اینٹی کرپشن سرگودھا نے گنے کے کاستکارکسانوں کی شکایات پر 7شوگر ملوں کے خلاف انکوائریاں شروع کیں اور ان سے کروڑوں روپے ریکوری بھی کی۔اینٹی کرپشن سرگودھا ریجن نے فلور ملوں سے 8ملین روپے سے زائد کی ریکوری کی ہے۔اینٹی کرپشن سرگودھا ریجن نے بدعنوان عناصر سے 6کرڑو13لاکھ50ہزار روپے سے زائد براہ راست جبکہ1ارب16کرڑو2لاکھ30ہزار9سو63روپے بلاواسطہ ریکور کیے ہیں۔اینٹی کرپشن سرگودھا ریجن نے20کامیاب چھاپوں میں 7لاکھ26ہزارروپے ریکور کیے ہیں۔اینٹی کر پشن سرگودھا نے سال2020میں کرپٹ عناصر کے خلاف78مقدمات درج کیے جبکہ62مقدمات پر جوڈیشل ایکشن کی منظوری ہوئی ہے۔اینٹی کرپشن سرگودھا ریجن نے گزشتہ برس124مقدمات حل کیے جبکہ بدعنوانی میں ملوث180افراد کو گرفتار کیا جن میں سکیل انیس کے2،سکیل 18کے9،سکیل17کے11اور سکیل16کے12افسرا ن کو گرفتار کیا گیا۔اینٹی کرپشن سرگودھا ریجن نے سال2020میں 150پٹرول پمپس کے ریٹس اور مقدار چیک کی جس میں سے 80پٹرول پمپس کے خلاف کاروائی عمل میں لائی گئی اور2لاکھ68ہزار روپے جرمانہ کیا گیا۔

تبصرے